Kina i është bashkuar Rusisë për të kundërshtuar zgjerimin e mëtejshëm të NATO-s, ndërsa të dy vendet afrohen më shumë përballë presionit perëndimor.
Moska dhe Pekini lëshuan një deklaratë duke treguar marrëveshjen e tyre për një sërë çështjesh gjatë një vizite të Vladimir Putin për Lojërat Olimpike Dimërore.
Putin pretendon se fuqitë perëndimore po përdorin aleancën e mbrojtjes së NATO-s për të minuar Rusinë. Kjo vjen mes tensioneve mbi Ukrainën, të cilën ai mohon se planifikon ta pushtojë.
Rreth 100,000 trupa ruse mbeten në kufirin me Ukrainën, e cila është një ish-republikë sovjetike. Putin, i cili ka shkruar se rusët dhe ukrainasit janë "një komb", ka kërkuar që Ukrainës t'i ndalohet anëtarësimi në NATO.
Ndërsa deklarata e gjatë e përbashkët nuk i referohej drejtpërdrejt Ukrainës, të dy vendet akuzuan NATO-n se përkrahte një ideologji të Luftës së Ftohtë.
Bisedimet, të cilat Kremlini tha se ishin "shumë të ngrohta", u mbajtën përpara ceremonisë së hapjes së Lojërave. Ishte hera e parë që liderët takoheshin ballë për ballë që nga fillimi i pandemisë.
"Miqësia midis [Rusisë dhe Kinës] nuk ka kufij, nuk ka fusha 'të ndaluara' të bashkëpunimit," thuhet në deklaratë .
Të dy vendet thanë se ishin "seriozisht të shqetësuar" për paktin e sigurisë Aukus midis SHBA-së, Britanisë së Madhe dhe Australisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
