Rutte: Trupat e Koresë së Veriut janë vendosur në Kursk për të ndihmuar Rusinë

Ushtarët e Koresë së Veriut që ndihmojnë Moskën janë vendosur në Kursk.

Kështu bëri me dije këtë të hënë  shefi i NATO-s, Mark Rutte.

“Mund të konfirmoj se trupat e Koresë së Veriut janë dërguar në Rusi dhe se njësitë ushtarake të Koresë së Veriut janë dislokuar në rajonin e Kurskut”, u tha Rutte gazetarëve, menjëherë pas një takimi me një zyrtar të lartë nga shërbimi inteligjent i Koresë së Jugut.

Sekretari i Përgjithshëm i NATO-s shtoi se ai do të telefononte presidentin e Koresë së Jugut, Yoon Suk Yeol dhe ministrin e Mbrojtjes të Ukrainës, Rustem Umerov.