Amber Heard duket se ia kishtë vënë syrin Elon Musk para se të ndahej nga bashkëshorti Johnny Depp.
Së fundi janë zbuluar mesazhet që ajo i ka dërguar manjatit të teknologjisë, të cilin e ka quajtur “Rocketman”. “Mirror” shkruan se aktorja komunikonte me miliarderin e SpaceX kur ishte ende e martuar me Johnny Depp.
Mesazhet dyshohet se janë dërguar më 22 maj 2016, një ditë para se Heard të paraqiste divorcin nga Depp – dhe një muaj para se Musk të bënte publike lidhjen e tyre.
Heard dyshohet se e kishte ruajtur numrin e Musk në telefonin e saj nën emrin “Rocketman” dhe i kishte treguar atij se ishte gati të divorcohej nga Depp.
Madje Musk i kishte ofruar asaj siguri dhe mbrojtje 24 orë në 24, pasi aktorja pretendonte se Depp e kishte sulmuar fizikisht.
Vetë Depp e mohon këtë dhe e ka hedhur në gjyq aktoren për një artikull të Washington Post, në të cilin ajo e portretizoi veten si viktimë të dhunës në familje.
Mesazhet e shkëmbyera me Musk i janë dorëzuar ekipit juridik të Depp si pjesë e çështjes gjyqësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
