Ambasada Amerikane ka bërë reagimin e parë në lidhje me zgjedhjet parlamentare të 11 majit. Në një mesazh të shkurtër, Ambasada uron popullin shqiptar dhe thekson vijimin e partneritetit mes dy vendeve.
Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë.
Në ndryshim nga urimi që pasoi zgjedhjet e vitit 2021, urimi për 11 majin është i shkurtër dhe nuk u drejtohet palëve politike.
"Përgëzojmë kryeministrin Rama dhe Partinë Socialiste për fitoren e zgjedhjeve. Po ashtu, përgëzojmë kreun e PD, Lulzim Basha, për udhëheqjen e një fushate të fortë që u dha zë shumë qytetarëve dhe frymëzoi shpresën, por mbi të gjitha përgëzojmë popullin shqiptar që foli qartë”, thuhej në mesazhin e ambasadës katër vite më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
