Lija e majmunëve, në Kanada hapen klinikat e para për vaksinime

Në Toronto të Kanadasë janë hapur klinikat e para të vaksinës kundër lisë së majmunëve.

Shëndeti Publik i Torontos shpjegoi se në javët në vijim, disa klinika do të jenë në gjendje të vaksinojnë ata që kanë pasur kontakt të ngushtë me dikë që ka rezultuar pozitiv dhe ata që kanë rrezik të madh ekspozimi ndaj virusit.

Në qytet janë 11 raste të konfirmuara, ndërsa në total në Kanada të infektuarit kanë arritur në 112.

Mjekja Theresa Tam tha se shumica e rasteve përfshijnë meshkuj që kanë pasur kontakt seksual me meshkuj të tjerë, edhe pse virusi mund të përhapet tek kushdo që ka pasur kontakt i ngushtë fizik me një person të infektuar.