Ushtria suedeze ka njoftuar ndalimin e përdorimit të aplikacionit kinez “TikTok” në pajisjet e shërbimit për arsye sigurie, duke iu bashkuar një sërë vendimesh të ngjashme të vendeve të tjera perëndimore.
Përdorimi i telefonave celularë dhe tabletave mund të jetë në vetvete një rrezik sigurie, kështu që tani e tutje ne nuk duam “TikTok” në pajisjet tona të shërbimit.
Kështu deklaroi zëdhënësja e ushtrisë suedeze, Guna Graufeld.
Në Kanad , “TikTok” është ndaluar në të gjitha pajisjet qeveritare. Komisioni Evropian dhe Këshilli Evropian kanë vendosur ndalimin e “TikTok” në pajisjet e përdorura nga stafi i tyre gjithashtu.
Qeveria e Danimarkës u ka dërguar një rekomandim të gjithë anëtarëve të parlamentit dhe punonjësve të ndryshëm për të hequr aplikacionin për arsye sigurie kibernetike.
Në Holandë , nga ana tjetër, përdorimi i “TikTok” është dekurajuar për personelin qeveritar, por pa ndalime formale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
