Presidenti amerikan, Donald Trump, thotë se është falenderues për “ndryshimin e jashtëzakonshëm” që ka arritur të bëjë në vendin e vet. Në Ditën e Falënderimeve, e cila festohet nga amerikanët të enjten e katërt të nëntorit, kur të gjithë falënderojnë Zotin për gjithçka kanë arritur, Trump tha se falenderimi më i madh është ai për familjen dhe për punën që ka bërë në Shtëpinë e Bardhë.
Trump i bëri këto komente pas një telefonate me trupat ushtarake amerikane. Ai e krahasoi karvanin e emigrantëve nga Meksika me luftën kundër terrorizmit në Afganistan. Trump gjithashtu foli edhe për rastin “Khashoggi”, duke mohuar që CIA të ketë arritur në konkluzionin se princi i kurorës, Mohammed bin Salman, është përgjegjës për vrasjen e gazetarit saudit. “Princi i kurorës e urren atë krim më shumë seç e urrej unë”, është shprehur Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
