Ministri për Europën e Punët e Jashtme, Ditmir Bushati, dhe shefja për Politikën e Jashtme në BE, Federica Mogherini, kanë dlaë në një konferencë të përbashkët shtypi sot në mesditë, pas një takimi në Bruksel. Bushati u shpreh se qeveria shqiptare është shpresëplotë që viti 2018 të jetë vendimtar për çeljen e bisedimeve me BE-në.
“Sa i takon zbatimit të stabilizim asoocimit, ne patëm mundësi që të shkëmbenim pikëpamje në procesin e zbatimit të marrëveshjes. Siç dihet Shqipëria ka nisur punën teknike sa i takon detyrimeve që do të burojnë nga negociatat menjëherë pasi në 2016-ën BE rekomandoi fillimin e bisedimeve. Presim që viti 2018 të jetë vendimtar për Shqipërinë dhe besojmë se hapja e bisedimeve do të sigurohej më tej një sens orientimi në transformin europianizues që kemi ndërmarrë. Reforma në drejtësi që po zbatojmë është një mundësi unike, pasi i ka dhënë një rol të paprecedentë nga pikëpamja morale dhe profesionale. Ne diskutuam gjithashtu për rezultatet e realizuara për krimin e organizuar, për trafikun e kanabisit. Që janë rezultat i punës së përbashkët me ndërkombëtarët. Kjo dëshmon vullnetin tonë për të rrënjosur sundimin e ligjit në ekonomi. Ne besojmë se përbëjmë një bazë solide të BE”, tha Bushati.
Kreu i diplomacisë shqiptare tha se maxhoranca është e angazhuar për të vijuar me opozitën bashkëpunimin politik, në përputhje me marrëveshjen e 17 majit.
“ Në emër të kryeministri Rama dhe qeverisë shqiptare shpreha qëndrimin tonë të vendosur për të vazhduar bashkëpunimin e mëtejshëm politik me të gjithë aktorët politik në përputhje të marrëveshjes së 17 majit në Shqipëri, që siguroi zgjedhje transparente dhe vazhdimësinë e duhur të reformave. Sa i takon klimës në rajon, falenderojmë Mogherinin. Në emër të qeverisë shqiptare konfirmova vullnetin tonë për të qenë partnerë luajalë”, tha Bushati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
