Kuvendi i Greqisë pritet të votojë sot Marrëveshjen e Prespës. Votimi i parashikuar për ditën e djeshme u shty për shkak të numrit të madh të deputetëve që kërkonin të merrnin fjalën para votimit. Gjatë seancës kanë qenë të shumta debatet mes qeverisë dhe opozitës në lidhje me marrëveshjen me Maqedoninë.
Ndërkohë, protestat para Parlamentit në Athinë kanë vijuar edhe dje. Mijëra njerëz kanë protestuar në sheshin kryesor të kryeqytetit grek, por edhe në qytetet e tjera, duke kundërshtuar marrëveshjen që i jep fund një kontesti 27-vjeçar për emrin e Maqedonisë.
Policia ka përdorur gazin lotsjellës për të shpërndarë protestuesit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
