Anija patrulluese "Libra", e përdorur për transportin e emigrantëve, po lundron drejt Shqipërisë, me 8 emigrantë në bord të kapur dy ditë më parë në jug të Lampedusës.
Mbërritja e anijes së Marinës italiane është planifikuar për mëngjesin e së enjtes.
Azilkërkuesit do të zbresin në Shëngjin dhe më pas do të dërgohen në qendrën e ngritur në Gjadër.
Ndërkohë, në Itali, gjyqtarët vazhdojnë të mos vërtetojnë ndalimet për kalimin në qendra, pavarësisht dekretit ligjor të miratuar me nxitim nga qeveria italiane më 21 tetor, i cili riformuloi listën e vendeve të sigurta.
Një vendim mbërriti më 4 nëntor nga gjykata e Katanias dhe kishte të bënte me tre egjiptianë dhe dy emigrantë nga Bangladeshi.
Sipas gjyqtarëve siçilianë, një listë e “vendeve të sigurta” nuk e përjashton gjyqtarin nga detyrimi për të verifikuar përputhshmërinë e këtij përcaktimi me ligjin e Bashkimit Evropian dhe në Egjipt ka shkelje të rënda të të drejtave të njeriut të cilat prekin liritë e një rendi demokratik.
Në mes të muajit tetor anija “Libra” mbërriti në portin e Shëngjinit me 16 emigrantë, por për shkak të shkeljeve të konstatuara nga autoritetet italiane që të gjithë emigrantët nga Bangladeshi dhe Egjipti, u kthyen sërish në Itali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
