Katër persona vdiqën këtë të hënë pasi një varkë me emigrantë u fundos në ishullin Lesbos në Detin Egje.
"Një varkë patrulluese e rojes bregdetare shpëtoi 22 të huaj në ishullin Lesbos. Katër emigrantë kishin vdekur. Të gjithë u transferuan në portin e Mytilene”, thuhet në një deklaratë të shkurtër nga policia portuale.
Për momentin autoritetet nuk kanë dhënë detaje mbi kushtet e fundosjes së varkës apo identitetin e personave.
Policia Portuale Greke me ndihmën e Agjencisë Evropiane të Mbikëqyrjes Kufitare, Frontex, patrullon rregullisht zonën detare në Detin Egje Lindor, përballë Turqisë nga ku shumë emigrantë përpiqen të kalojnë në Greqi shpesh me destinacion Evropën Perëndimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
