Shkrimtari nga Kosova, Albatros Rexhaj, i ftuar sonte në emisionin “Arnautistan” të Mustafa Nanos, në MCN TV, foli për marrëdhëniet mes shqiptarëve të Kosovës dhe Shqipërisë, për të cilën specifikoi faktin se janë dy shoqëri të njëjta me vlera të ndryshme.
“Ka shumë gjëra që na bashkojnë, identiteti, gjuha, mitet e përbashkëta në gjenezën tonë, prirja për gjëra negative, por në gjërat tjera jemi zhvilluar ndryshe. Jemi dy shoqëri të njëjta, por që kanë vlera të ndryshme shoqërore”.
Rexhaj, tha se në duar ka një ese më një titull mjaft intrigues për realitetin shqiptar.
“Kam shkruar një ese, e kam titulluar “Jemi një, apo edhe ndoshta nuk jemi” kjo për faktin se po provojmë të jemi një, porse mendoj se edhe jemi edhe nuk jemi bashkë. Kjo “nuk jemi” po forcohet me të gjitha përpjekjet “që të jemi” bashkë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
