Qytetarë të veshur me jelekë të verdhë, një imitim ky i protestuesve të Parisit, kanë dalë këtë pasdite në protestë në tre qytete të vendit.
Qytetarët kanë dalë në protestë në Shkodër, Kavajë e Lezhë, për të protestuar kundër rritjes së çmimit të karburantit.
Në superstradën Lezhë-Shkodër fermerët kanë bllokuar rrugën me thirrje kundër qeverisë, që sipas tyre i ka vërfëruar.
Kushtete vështria ekonomike, çmimi i karburantit por edhe probleme të tjera janë disa nga arsyet e protestës.
Fermerët në Lezhë janë të vendosur të vazhdojnë protestat e tyre deri në largimin e kryeministrit Rama.
“Poshtë qeveria, poshtë kriminelët”, kanë qenë disa nga brohoritjet e qytetarëve në Shkodër.
Sipas raportimeve, banorët janë duke protestuar për çmimin e lartë të naftës, çmimet e ushqimeve, etj, siç shprehen banorët.
Ndërkohë edhe në Kavajë protestuesit kanë bllokuar autostradën Durrës-Rrogozhinë.
Protestuesit me automjetet e tyre kanë ndaluar në autostradë duke bllokuar rrugën, ndërsa shprehen se janë në mbështetje të studenteve dhe po ashtu protestojnë për çmimin e naftës.
Protestat janë thirrur nga opozita e vendit, kundër qeverisë së kryeministrit Edi Rama, pas një jave intesive të protestave të studentëve përpara Ministrisë së Arsimit në Tiranë dhe ajo e banorëve të Astirit që kundërshtojnë shembjen e banesave të tyre për projektin e Unazës së Re .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
