Eksperti i të drejtës kushtetuese, Erind Mërkuri, komentoi në studion e lajmeve të MCN TV opinionin e Komisonit të Venecias për kompetencat e Kushtetueses mbi vlefshmërinë e zgjedhjeve vendore e vitit 2019.
Mërkuri e argumentoi kërkesën e Kushtetueses drejtuar Komisionit të Venecias me natyrën joshteruese të ligjeve.
Legjislacioni shqiptar dhe në botë jo gjithmonë është shterues në këtë aspekt. Prandaj është nevoja e interpretimit. Në shekullin e XVII u hartua në Prusi kodi i tokës. Kishte 17 800 nene dhe nuk arriti të zgjidhte çdo lloj situate.
Ndërsa sa i takon opinionit, pjesë të të cilit u publikuan një ditë më parë nga MCN TV, Mërkuri tha se ai është i qartë sa i takon kompetencave të Kushtetueses për zgjedhjet vendore.
Ata e kanë dhënë përgjigjen e tyre, tani kjo është në dorën e Gjykatës Kushtetuese. Ata u shprehën se kjo e fundit nuk ka kompetencë të verifikojë kushtetueshmërinë e zgjedhjeve të vitit 2019. Kjo çështje zakonisht u takon gjykatave administrative ose gjykatave të posaçme. Përgjithësisht juridiksionet kushtetuese kontrollojnë çështjet e zgjedhjeve parlamentare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
