Në një vizitë në qendrën shëndetësore të Belshit, ministrja e Shëndetësisë dhe Mbrojtjes Sociale Ogerta Manastirliu dhe kryeministri Edi Rama, vizituan ambientet, ku jepen shërbimet e para për banorët e Belshit.
Qendra shëndetësore e Belshit, është një ndër 300 qendrat e shërbimit shëndetësor, të cilat janë ristrukturuar për të përmbushur standardet evropiane
Duke qenë se tetori është edhe muaji i ndërgjegjësimit kundër kancerit të gjirit, ministrja Manastirliu, bëri me dije se janë kryer vetëm në 30 ditë, nëntë mijë mamografi falas.
Ndërkaq, mbi vaksinimin kundër COVID-19, Manastirliu përditësoi shifrat. Mbi 1 milion qytetarë, i kanë marrë të dy dozat kundër virusit.
Ministrja, beri të ditur se me mbarimin e fazës së parë për qendrat shëndetësore, puna do të vijojë në gjithë Shqipërinë për ristrukturimin e sistemit shëndetësor në Shqipëri.
Sipas ministres Manastirliu, në Shqipëri ka filluar gjithashtu edhe dhënia e vaksinave kundër gripit të zakonshëm. Në gjithë vendin, janë shpërndarë 200 mijë doza. Avantazhi i tyre është se mund të kryhen edhe njëkohësisht me inokulimin ndaj COVID-19.
Përparësi do të kenë të moshuarit dhe kategoria e sëmundjeve kronike, për kryerjen e vaksinës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
