Zgjaten pushimet e festave për administratën shtetërore

Zgjaten pushimet e Vitit të Ri për administratën shtetërore.

Me një vendim të marrë sot, qeveria ka caktuar si ditën pushimi datën 3 janar 2020.

Kjo datë që përkon me ditën e premte pasohet nga dy ditët e fundjavës, që do të thotë se administrata do të jetë në punë të hënën më datë 6 janar.

Sipas VKM, dita e punës do të zëvendësohet në një nga ditët e pushimit brenda janarit.

V E N D I M

PËR

CAKTIMIN E DITËS SË PREMTE, DATË 3.1.2020, DITË PUSHIMI

Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave

V E N D O S I:

1. Caktimin e ditës së premte, datë 3.1.2020, ditë pushimi për punonjësit e administratës shtetërore.

2. Dita e punës e datës 3.1.2020 do të zëvendësohet në një nga ditët e pushimit brenda muajit janar.

3. Ngarkohen institucionet e administratës shtetërore për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.