Një ngjarje e rëndë ka tronditur kryeqytetin mëngjesin e sotëm.
Një 31-vjeçar ka vrarë një vajzë, dhe më pas ka qëlluar veten. I riu ndërroi jetë më pas në spital.
Ngjarja ka ndodhur në rrugë në zonën e "Don Boskos”.
Sipas informacioneve të para, viktima është 19-vjeçarja Xhuljeta Çuni, ndërsa i riu që qëlloi ndaj saj dhe më pas veten është Xhaferr Mata, 31 vjeç.
Mësohet se 31-vjeçari i është afruar vajzës teksa ecte në rrugë. Ata kanë debatuar dhe më pas Mata e ka qëlluar me pistoletë.
Në gjendje të rënduar psikologjike, ai ka shpërthyer në lot, ka kaluar në anën tjetër të rrugës dhe ka qëlluar veten.
Mësohet se 19-vjeçarja ka qenë e shoqëruar nga një tjetër vajzë.
Mes dy të rinjve dyshohet se ka pasur një lidhje intime që më pas është ndërprerë nga e reja, çka ka sjellë dhe irritimin e 31-vjeçarit.
Rasti i sotëm të kujton ngjarjen e 6 muajve më parë, në afërsi të Fakultetit të Mjekësisë. Aldison Belulaj, 23 vjeç, vrau Arjela Muratin, studente e juridikut dhe më pas qëlloi veten.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
