Ursula von der Leyen u propozua ditën e sotme zyrtarisht nga Partia Popullore Evropiane (EPP), e cila u mblodh në Bukuresht, si kandidate për një mandat të dytë pesëvjeçar si presidente e Komisionit Europian.
Politikania gjermane 65-vjeçare u mbështet gjerësisht nga anëtarët e pranishëm me 400 vota pro, 89 kundër, njoftoi një zëdhënëse e PPE nga podiumi pas përfundimit të votimit.
Presidenca e Komisionit Europian do të vendoset pas zgjedhjeve europiane në qershor.
Duke folur në konferencën e EPP-së në Bukuresht, Von der Leyen përmendi luftën në Ukrainë, krizën destabilizuese të Gazës në Lindjen e Mesme dhe ngritjen e Kinës si sfida me të cilat përballet BE-ja me 27 vende anëtare prej 450 milionë banorësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
