Rreth tre mijë persona janë evakuuar nga shtëpitë e tyre në Tenerife të Spanjës, pasi zjarri i madh që shpërtheu në ishullin Kanarie më 15 gusht është riaktivizuar.
Riaktivizimi i zjarrit, i shpallur në nivelin 2, është favorizuar nga temperaturat rekord dhe të pazakonta të regjistruara në këtë muaj tetor.
Siç sqaron qeveria rajonale, zjarrfikësit po përpiqen të shuajnë flakët në verilindje të ishullit.
Në Facebook, nënkryetari i qeverisë rajonale, Lope Afonso, shkroi se rreth 2400 persona u evakuuan si masë paraprake nga qyteti i Santa Ursula dhe 600 të tjerë nga La Orotava.
Për momentin zonat më të njohura turistike të Tenerife nuk janë prekur dhe dy aeroportet e saj po funksionojnë normalisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
