Pavarësisht përpjekjeve të rrjetit social, postimet në Facebook që përhapin dezinformimin mbi shëndetin, përfshirë Covid-19, janë parë 3.8 miliardë herë në të gjithë botën gjatë vitit të fundit.
Ky është përfundimi i një studim i Organizatës Avaaz, sipas të cilës dhjetë faqet që kanë përhapur më shumë lajme të rreme në muajt e fundit kanë pasur katër herë më shumë shikime sesa dhjetë faqet më të mira që trajtojnë lajme serioze, siç është OBSH.
Raporti i referohet periudhës midis qershorit 2019 dhe majit 2020. Kulmi i shikimeve për faqet që dezinformojnë ndodhi në prill, në kulmin e pandemisë, me 460 milion, vetëm në 16% të rasteve postimet me lajme të rreme u shënuan si mashtruese, ndërsa të tjerët mbetën në internet pa asnjë etiketë.
43% e dezinformatave prodhohen nga 82 faqe në internet, të cilat funksionojnë përmes një rrjeti prej 1000 faqesh në Facebook.
"Mesatarisht, këto faqe në Facebook u krijuan shtatë vjet më parë - shkruajnë ekspertët - një konfirmim që shumë prej këtyre aktorëve kanë qenë aktivë në rrjetet sociale për ca kohë. Faqet nuk u dedikohen ekskluzivisht njerëzve që kërkojnë informacion shëndetësor, gjysma gjithashtu ka interes politikën ose lajmet 'alternative' ".
I vetmi lajm që ka arritur shikimet më të mëdha, padyshim ka të bëjë me Covid-19, raporton dokumenti dhe është një artikull që pretendon se Shoqata Mjekësore Amerikane ka inkurajuar mjekët të mbivlerësojnë vdekjet nga sëmundja, i cili është lexuar mbi 160 milion herë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
