Të paktën 40 persona kanë vdekur dhe dhjetëra të tjerë kanë mbetur të lënduar pas një serie të sulmeve ajrore dhe një shpërthimi në pjesën veriore të Sirisë të kontrolluar nga rebelët në zonën e Idlibit.
Shpërthimi që ndodhi mbrëmjen e së dielës në afërsi të qendrës së fraksionit të rebelëve Ajnad al-Qawqaz, në qytetin Idlib la 25 persona të vdekur.
Detajet ende nuk janë bërë të ditura mirëpo besohet që një bombë e ka shkaktuar këtë shpërthim.
Ndërsa është raportuar edhe për 15 persona të tjerë të vdekur si pasojë e sulmeve ajrore të Rusisë dhe qeverisë siriane në këtë provincë.
Këto sulme vijnë pasi ushtria siriane lajmëroi që kanë marrë kontrollin e qytetit strategjik Sinjar në jug-lindje të Idlib.
Mbrojtjes Civile Siriane, të cilët punëtorët e tyre janë të njohur si Helmetat Bardha, raportojnë se nga sumet e fundit katër fëmijë dhe 11 gra ishin në mesin e 25 njerëzve të vrarë.
Sulmet ajrore thuhet se kanë vazhduar edhe gjatë gjithë ditës së hënën në Idlib.
Qyteti i Idlib, kufizohet me Turqinë në veri dhe ka një popullsi prej rreth 2.5 milion banorë, duke përfshirë edhe 1 milion të cilët kanë ikur në pjesë të tjera të vendit pas pushtimit nga rebelët në vitet e fundit.
OKB-ja thotë se luftimet dhe sulmet ajrore brenda Idlib kanë detyruar më shumë se 60.000 njerëz të largohen nga shtëpitë e tyre që nga 1 nëntori, dhe se ata ndodhen në një situatë të "tmerrshme".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
