Artan Gaçi, bashkëshorti i ish-ministres Olta Xhaçka është paraqitur sot në SPAK.
MCN TV mëson se ish-deputeti i Partis Socialiste po pyetet në lidhje me hetimet për aferën e pronave të ushtrisë.
Kujtojmë që Fredi Beleri depozitoi një kallëzim në SPAK ndaj ish-ministres së Jashtme, Olta Xhaçka, bashkëshortit të saj Artan Gaçi si dhe Jorgo Goros.
Në një raportim për MCN Live gazetari Arsen Rusta bën me dije:
Artan Gaçi është paraqitur në orën 10:00 dhe po pyetet nga oficerët e BKH. Ndërsa një ditë më parë ka qenë kryebashkiaku në detyrë Jorgo Goro që ka dhënë sqarime. Jemi interesuar në SPAK me çfarë lidhet prania e tyre. SPAK shprehet i rezervuar duke thënë se po hetojmë për tjetërsimin e pronave të ushtrisë në bregdet, po ashtu edhe kallëzimin e Fredi Belerit, ku flitet për statusin e investitorit strategjik të marrë me pa të drejtë dhe tjetërsimin e pronave nga investimet që përfaqësohen nga kompanie z. Gaçi. Burime bëjnë me dije se hetimet e SPAK për pronat e ushtrisë dhe tjetërsimin e pronave në Himarë janë drejt fundit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
