Lideri i grupit rebel në Siri, Abu Mohammad al-Jolani, e quajti përmbysjen e presidentit Bashar al-Assad një "fitore për të gjithë kombin islamik" në komentet e tij të para publike që kur rebelët pushtuan Damaskun.
“Kjo fitore, vëllezërit e mi, është fitore për mbarë kombin islam. Ky triumf i ri, vëllezërit e mi, shënon një kapitull të ri në historinë e rajonit,” tha udhëheqësi i Hayat Tahrir Al-Sham (HTS), një grup që u formua nga një ish degë e Al Kaedës.
Në një fjalim të mbajtur brenda një xhamie në kryeqytet, Jolani shtoi se Siria kishte qenë një "shesh lojërash për ambiciet iraniane, duke përhapur sektarizmin, duke nxitur korrupsionin", por tani, "Siria po pastrohet me hirin e Zotit të Plotfuqishëm dhe me përpjekjet e muxhahedinëve heroikë.
Ky është një komb që, nëse merren të drejtat e tij, do të vazhdojë t'i kërkojë ato derisa të rivendosen," tha Jolani, duke shtuar se HTS po lironte njerëzit që ishin të burgosur nga regjimi i Asadit.
“Vëllezërit e mi, unë e lashë këtë tokë më shumë se 20 vjet më parë dhe zemra ime e dëshironte këtë moment,” tha Jolani para turmës së mbledhur në xhaminë Umajad.
“Nuk ka asnjë familje të vetme në Siri që të mos e ketë prekur lufta. Falënderimi i qoftë Zotit, sot Siria po rimëkëmbet.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
