Vetëm pak orë nga dorëheqja e drejtorit të Parandalimit të Pastrimit të Parave, Alket Hyseni, një tjetër drejtor jep dorëheqjen.
Kreu i Drejtorisë së Sigurimit të Informacionit të Klasifikuar, Arben Seferi ka paraqitur dorëheqjen pranë Kryeministrit. Dorëheqja e tij vjen pas akuzave politike të opozitës.
“Më kanë etiketuar si person me anësi politike. DSIK do të ketë rol në reformën në drejtësi. Ata që i tremben reformës duan justifikime për t’a bllokuar me çdo kusht” është shprehur Seferi.
Për të njëjtat arsye më herët u dorëhoq edhe drejtori i Parandalimit të Pastrimit të Parave.
Dorëheqja e dy zyrtarëve është komentuar edhe nga kryeministri Rama.
“Flm 2 drejtuesve që u dorëhoqën për t’u hequr çdo alibi kundërshtarëve të Reformës në Drejtësi!Reforma nuk ndalet Vetingu nuk shmanget”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
