Ndërkohë që pak më parë Presidenti turk Erdogan u drejtohej turqve se po përballen me një grusht shteti nga një minorancë e ushtrisë turke dhe se do të arrihej të zmbrapsej, qeveria ka bërë një tjetër deklaratë. Sipas The Guardian qeveria turke ka dal me një deklaratë për shtyp ku ia adreson grushtin e shtetit fraksioneve guleniste.
“Kjo është një orvatje për grusht shteti nga ana e “lëvizjes Gulen”, e cila njihet ndryshe edhe si “Gulenistët”, e përgatitur në muajt e fundit. Organizatorët e këtij grushti shteti kanë thyer zhinxhirin e komandës së ushtrisë turke” – deklaron një burim pranë Presidencës turke.
Nga ana tjetër Sekretari Amerikan i Shtetit, John Kerry gjatë vizitës së tij në Moskë u tregua i rezervuar me komentet mbi atë që po ndodh në Turqi por foli për një “vazhdimësi”.
“Shpresoj për një gjendje stabiliteti, paqeje dhe vazhdimësi në Turqi” – u shpreh Kerry nga Moska.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
