Sa i mundshëm është një gjyq për krimet e luftës ndaj Putinit?

Presidenti i SHBA Joe Biden ka bërë thirrje që homologu i tij rus Vladimir Putin të përballet me gjyqin për krimet e dyshuara të luftës në Ukrainë.

Por cila është mundësia që Putini të përfundojë në gjykatë?

Siç shpjegon Dominic Casciani në këtë artikull, është shumë më e lehtë t'i kapësh një krim lufte ushtarit që e kryen atë sesa liderit që e urdhëroi atë. Një nga sfidat përfshin krijimin e një zinxhiri komandues që provon se një lider ka autorizuar një mizori, ose ka mbyllur një sy ndaj tij.

Gjykata Ndërkombëtare Penale (ICC) është një organ i përfshirë në respektimin e të ashtuquajturave "rregulla" të luftës. Kryeprokurori i saj ka thënë se ka një bazë të arsyeshme për të besuar se krimet e luftës kanë ndodhur në Ukrainë.

Por megjithëse gjyqtarët e GJNP-së mund të lëshojnë urdhër-arreste, gjykata nuk ka forcën e saj policore. Në vend të kësaj, ajo mbështetet te shtetet anëtare për të arrestuar të dyshuarit dhe Rusia nuk është më anëtare.

Nga ana e saj, ushtria amerikane nuk është në gjendje të konfirmojë në mënyrë të pavarur pretendimet ukrainase për mizoritë nga forcat ruse kundër civilëve në qytetin Bucha, ka thënë një zyrtar i lartë i mbrojtjes amerikane së Pentagonit.

“Ne po shohim të njëjtat imazhe si ju. Ne nuk kemi asnjë arsye për të hedhur poshtë pretendimet e Ukrainës për këto mizori. Pentagoni nuk mund ta konfirmojë masakrën në mënyrë të pavarur, por nuk jemi në asnjë pozitë për t’i hedhur poshtë këto pretendime”, tha zyrtari, duke folur në kushte anonimiteti.

Dhe Moska vazhdon të mohojë se ka shënjestruar civilët ukrainas gjatë pushtimit.

Presidenti amerikan Biden e cilësoi sërish Vladimir Putinin si kriminel lufte. Ai bëri thirrje që lideri rus të përballet me gjyqin për vrasjet në Bucha.

Trupat e civilëve janë gjetur të shpërndara në rrugë atje. Biden thotë se ai po kërkon gjithashtu më shumë sanksione kundër Rusisë për mizoritë, të cilat Moska mohon kryerjen e trupave të saj.