Mund ta cilësojmë me plot gojën si një gjest të bukur, veprimin që pronari i kompanisë Metallurgica Legnanese di Rescaldina në Milano , Siro Della Flora-s ka bërë kundrejt 42 punonjësve të tij.
Ai ka nënshkruar për secilin nga punonjësit e tij një çek me 1500 euro dhe e ka cilësuar si një bonus për energjinë.
Siro Della Flora tha gjatë një interviste për Corriere della Sera se iu duk e drejtë të bënte këtë veprim dhe se ishte një dëshirë e tijq ë ai të befasonte punonjësit për Pashkë.
Kemi muaj që flasim për kostot e energjisë që janë rritur jashtëzakonisht për industritë, por nuk mund të anashkalojmë rritjet për familjet. E pashë vetë si në faturën e kompanisë ashtu edhe në faturën e shtëpisë. U ndjeva i detyruar të kontribuoja për nevojat e familjeve të punonjësve të mi. Mendova se mund t'i befasoja në vezën e Pashkëve. Nuk është një sakrificë e madhe t'i japësh dorën dikujt.
I pyetur nëse është ndjerë “i detyruar” ta bënte Della Flora tha:
Nuk është një gjest që zgjidh problemin e një familjeje, por është menduar të jetë një sinjal.
Unë nuk jam tipi i pronarit të mbyllur në zyrë, jam bashkëpunëtor mes bashkëpunëtorëve të mi. Unë e jetoj ditën mes tyre. Një kompani funksionon mirë nëse ka punëtorë të mirë. Nuk dua të bëj retorikë, por duhet të jetë si një familje e madhe. Nëse nuk keni bashkëpunëtorë të mirë, bëni pak punë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
