Puna e prokurorit Altin Dumani si drejtues i ri i Prokurorisë së Posaçme kundër Korrupsionit dhe Krimit të Organizuar, SPAK është vlerësuar me nota të larta nga kreu I KLP-së, Alfred Balla.
Në një intervistë për MCN live, balla u shpreh se roli i Dumanit është risi për faktin se është jo vetëm si drejtues i SPAK por dhe merr pjesë në hetime.
Dumani është duke punuar shumë mirë edhe për vet natyrën dinamike që ka, e shoh goxha mire se ai mund të bënte edhe detyrën e tij si titullar dhe drejtues dhe të shkëputet nga procesi i hetimit, po në fakt ka ndodhur e kundërta.
Ai është pjesë aktive dhe është duke bërë më të mirën e tij sepse merr pjesë në hetim duke nxitur dhe stimuluar edhe kolegët, dhe kjo është një risi.
Kreu i KLP-së thotë se prokurorët kanë mbrojtje të garantuar nga disa ligje, teksa ka një komision të posaçëm që është në mbrojte të magjistratëve të kërcënuar.
Prokurorët e republikës janë në krye te luftës kundër krimit, për vet pozicionin që ata kanë. Kanë mbrojtje të garantuar nga disa ligje, qofte ligji për statusin e gjyqtareve, qoftë ligji për krijimin e Prokurorisë së Posaçme, ligji për organizimin e prokurorisë, etj, dhe në disa vendime të KM është përcaktuar se si bëhet mbrojta e gjyqtarëve dhe prokurorëve.
Edhe Këshilli i Lartë Gjyqësor kemi pranë këshillave nga një komision për mbrojtjen e prokurorëve i cili është i përberë nga disa struktura, ka në përbërje një përfaqësues nga Ministria e Brendshme, nga Drejtoria e Policisë, një nga Ministria e Drejtësisë dhe një prokuror ose drejtuesi i Prokurorisë në atë prokurori që ai ndihet i kërcënuar, dhe ky komision drejtohet nga një anëtarë i Këshillit të lartë të Prokurorisë dhe është komision i përhershëm. Ky komision që ku jemi formuar, ka eksituar dhe ne nuk është hera e parë që vendosim mbrojtje të posaçme për prokurorët e Republikës.
Në raste kërcënimesh, ky komision përcakton mbrojtje të menjëhershme të tij dhe pastaj vazhdon me procedurat e plotësimit të dokumentacionit.
Kreu i KLP-së, bëri të ditur se deri më tani janë 79 vakanca në prokurori.
Sipas tij janë 226 prokurorë në detyrë nga 341 vende që janë gjithsejt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
