Mjeku Ilir Alimehmeti deklaroi në studion e emisionit “MCN Economy” se rritja me 50 mijë lekë e pagës së mjekut specialist nuk ishte një vendim, por një premtim pasi nëse do ishte ndryshe do kishte një letër të shkruar të firmosur dhe vulosur.
Sipas Alimehmetit, deklaratat e bëra pikërisht në këtë kohë, janë të ndikuara nga zgjedhjet e 14 majit.
Ne nuk pamë një vendim, pamë një premtim. Kjo është fjala e duhur, po të ishte vendim, e kishte firmosur e kishin sjellë cilado qoftë koha kur hyn në fuqi.
Nuk është vendim nëse nuk e shohim në letër dhe specifikat. Duket si pjesë e fushatës elektorale. Rastësisht është 14 ditë para zgjedhjeve. Rrogën e majit e qershor, zgjedhjet kanë mbaruar, premtime bombastike janë marrë herë pas here.
Pse ikin njerëzit kur qenka kaq mirë këtu? Gjatë fjalës së Ramës u dha një informacion, ku ai tha që në barazohemi me Serbinë. Ne duhet të shohim modele perëndimore. Po e krahasoj vetëm me Kosovën, Kosova e ka kryer këtë vit dhe e ka rritur rrogën me 601 euro. U tha 7% për mjekun e përgjithshëm. Kosova e ka rritur me 36% për mjekët e përgjithshëm. Kosova ka GDP ¼ më të ulët se Shqipëria. Nuk ka sigurime të detyrueshëm shëndetësore e megjithatë,. Ata nuk kanë koncesione. Është pozitive të rrisësh pagesat e secilës kategori, por pamë një premtim.
Kurrë institucionet nuk kanë bërë pyetje pse ikni. Pa ditur boshllëqet nuk mund të ndërhyhet. Kjo është për fushatë elektorale. Kur i kemi kërkuar këto pagesa më parë është përgjigjur negativisht.
Duke vijuar shpjegimin e tij, Alimehmeti tha se 57% e mjekëve specializantë nuk paguhen për punën e tyre.
Para se të bëhesh specialist duhet t’i nënshkruhet specializimi që zgjat 4 vjet. Më shumë se gjysma e tyre janë pa pagesë fare. Zero. % e zero është zero, askush nuk thotë të kundërt. Detyrohet këta mjekë të punojnë pa pagesë. Si ushqehet si strehohet, si i kryen këtë nevoja ata që kanë një mision kaq të madh, nuk i japim as minimumi e dinjiteti. Këtë gjë e bën shtetit. I themi të rinjve. Më shumë se gjysme, këtë vit 57% e tyre i themi punoni 4 vjet pa asnjë pagesë, pasi kur të mbarosh dikur do mbarësh këtë pagesën që qenka në nivelin e Serbisë. Në Kosovë paguhen 800-900 euro në muaj. 6 në 10 mjekë marrin zero lekë, dhe themi pse ikin. Edhe në rendin skllavopronar jepej ushqim.
Nuk largohen nga qejfi. I vetmi studim serioz është ai i vitit 2018 i bërë jo nga institucionet shtetërore, ka thirrur organet dhe mediat në konferencë dhe tregon që 76% e mjekëve meshkuj dhe 86% e mjekeve femra duan të ikin një orë e më parë. 54% e mjekëve të QSUT duan të ikin në çast. U deshën 5 vjet që të arrijmë tek premtimi. Sa më shumë e vonojmë këtë ndërhyrje. Investimi duhet të jetë i vazhdueshëm dhe diku do shohësh një ndryshim. Këta njerëz duhen mbështetur që 18 vjeç e më pas. Nuk është faji i tyre që ikin.
Më tej Alimehmeti tha se largimi i mjekëve nuk vjen vetëm për çështje nënfinancimi, por një nga elementët është se mungon mbështetja e figurës mjekësore.
Nuk është vetëm çështje nënfinancimi. Është problem madhor. Kemi thënë shëndetësi falas. MSH deklaron sa shpenzojnë njerëzit, deri në 2018 ka dhënë pastaj ka ndalur. 44.6 %, ne paguajmë dyfish e gjysmë më shumë se bota.
Mbështetja e figurave mjekësore, mbrojtja. Gjatë profesionit ndodhin gjëra të ndryshme. Nuk është shkencë e saktë. Patjetër nëse shkaktohet dëm ndaj pacientit, ai nuk ka faj duhet dëmshpërblyer. Në Shqipëri mjeku përballet i vetëm me pacientin, familjarët. Po këta mjekë në Gjermani është spitali që merr përsipër çdo gjë. Një element tjetër, gjatë Covid sa mjekë humbi jetën, a patën mbështetje familjet e tyre. Këto mund t’i quash si polic.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
