Një status në Twitter ku pretendohej se Bebe Rexha kishte vdekur nga mbidoza u bë viral, duke përhapur panik tek fansat e këngëtares me origjinë shqiptare. Ndërsa statusi nisi të shpërndahej dhe njerëzit të shprehnin ngushëllimet, ra edhe në vëmendjen e vetë artistes.
Statusi ishte bërë nga një person i panjohur, i cili duket se ishte në kërkim të famës dhe në të ishte taguar prestigjiozja CNN dhe vetë këngëtarja:
“Lajm i fundit: CNN konfirmon që ylli i pop-it, Bebe Rexha ka ndërruar jetë nga overdoza në shtëpinë e saj ën Kaliforni. Familja e Bebes ka publikuar një deklaratë për median ku thuhet, ‘Ajo ishte drita e jetës sonë. Do të donim pak privatësi në këtë periudhë të vështirë’”.
Kaq mjaftoi që përdoruesit e Tëitter-it ta besonin dhe të komentonin: “Më mungon Bebe, po dëgjoj këngët dhe intervistat e saj”.
Këngëtarja reagoi menjëherë, pasi pa postimin: “Zot na ruaj, çfarë dreqin është kjo. Jezus. Qëndroj jashtë linjës për tre ditë dhe jo vetëm që kam vdekur, por kam vdekur nga mbidoza e një droge?!?!”.
Në një tjetër postim që duket se i drejtohet ideatorit të lajmit të rremë, Bebe regjistron zërin e saj ndërsa thotë:
“Jam një fantazmë. Po shkruaj nga dollapi i dhomës tënde të gjumit”.
Një tjetër rast që tregon vorbullën e ndikimit të rrjeteve sociale dhe të lajmeve të rreme që përhapen në të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
