Edhe kisha holandeze është përfshirë në skandalin e abuzimeve seksuale. Përgjatë 65 vitesh, 20 nga 39 kardinalë holandezë rezultojnë të përfshirë në mbulimin e abuzimeve seksuale të kryera ndaj minorenëve në periudhën 1945-2010.
Katër prej tyre janë direkt të përfshirë, pasi rezultojnë abuzues brenda mureve të institucioneve fetare. Lajmin e bën të ditur e përditshmja holandeze NRC.
Edhe zëdhënësja e kishës holandeze, Daphne van Roosedaal, e ka pranuar pjesërisht këtë skandal, duke u shprehur se një pjesë e këtij raporti mund të konfirmohet.
“Emrat e disa peshkopëve korrespondojnë me disa prej tyre që përmenden në një raport të ngjashëm që vetë kisha ka hartuar në vitin 2010”, është shprehur ajo.
Pjesa më e madhe e priftërinjve abuzues kanë vdekur, ndërsa ata që janë ende gjallë nuk kanë pranuar të prononcohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
