Gjykata e Lartë ka caktuar datën 8 korrik ora 12:00 seancën ku do të shqyrtohet rekursi i Erion Veliajt për ndryshim të masës së sigurisë ndaj tij.
Kujtojmë që trupi gjykues kryesohet nga gjyqtarja Albana Boksi, ndërsa dy anëtarët e tjerë janë Medi Bici dhe Sokol Binaj. Rekursi do të shqyrtohet në dhomë këshillimi, pa praninë e palëve. Sipas njoftimit zyrtar të Gjykatës së Lartë kjo çështje i është nënshtruar gjykimit me procedurë të përshpejtuar, duke hyrë në kategorinë e çështjeve me prioritet.
Prokuroria e Posaçme Anti-korrupsion (SPAK) do të paraqesë sot raportin dymujor për hetimet ndaj kryebashkiakut të Tiranës. Erion Veliaj ndodhet që prej 10 shkurtit në paraburgimin e Durrësit, ndërkohë që përballet me akuza për korrupsion dhe pastrim parash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
