Në përfundim të takimit me homologun e tij të Kosovës, kryeministri Rama tha se më 27 nëntor do të finalizohet projekti i bashkimit doganor në portin e Durrësit.
“Shqipëria e Kosova i kanë mundësitë t’i paraprijnë krijimit të zonës ekonomiek rajonale. Kemi dakordësuar të mbyllim një proces të mirorganizuar për bashkimin doganor në portin e Durrësit. Porti i Durrësit nuk është vetëm porti i Shqipërisë zyrtare por dhe i shqiptarëve të Kosovës. Porti duhet të kthehet në një doganë të njësuar të Shqipërisë e Kosovës. Kemi rënë dakord ta finalizojmë në mbledhjen e 27 nëntorit. Ministrat e Financave kanë marrë dakordësinë”, tha ai në konferencën e përbashkët për shtyp që pasoi takimin me homologun e Kosovës, Ramush Haradinaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
