Në kohë krizash dhe nevojash të mëdha, nismat për t’u ardhur në ndihmë atyre që kanë nevojë marrin shumë vlerë. Dy laborantë dentarë, Besar Lalike dhe Eldian Cepeli, e nisën vullnetarisht prodhimin në laborator të disa pjesëve për aparatet e ventilimit, që do t’u vijnë në ndihmë të sëmurëve me koronavirus.
Këto pjesë do mundësojnë që me një aparat të vetëm të lidhet dhe të mbahet në jetë jo 1 por deri në 4 pacientë.
Nismës së tyre u është bashkuar kompania DDC, përfaqësuese zyrtare e kompanisë italiane YNDETECH në tregun rajonal për shtetet Shqipëri-Kosove-Maqedoni e Veriut, në fushën e pajisjeve dhe materialeve dentare.
Lënda e parë ka ardhur nga Bolonja mbrëmjen e së dielës. Prodhimi ka nisur sot dhe kapaciteti pritet të jetë 50-60 lidhëse në ditë. Këto lidhëse, të cilat kërkojnë precizion të lartë, bëjnë të mundur që aparatura të shërbejë për ventilim deri në 4 pacientë.
Testimi me sukses i produkteve të para i hap rrugën prodhimit me kapacitet të plotë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
