Dëbora e mbrëmjes së të martës ka shkaktuar vështirësi në disa qytete të vendit.
Gjirokastra, Korça, Elbasani, Dibra, Shkodra etj. janë zbardhur nga bora në orët e mbrëmjes.
Në Gjirokastër, trashësia e borës arrin në rreth 15 cm. Kjo e ka vështirësuar qarkullimin e mjeteve në qytet. Situata e rrugëve paraqitet e vështirë në të gjithë qarkun, rrugët nacionale janë të kalueshme vetëm me zinxhirë dhe goma dimërore.
Në Gjirokastër, Pukë dhe Fushë-Arrëz është pezulluar mësimi për ditën e sotme në të gjitha shkollat.
Probleme ka edhe në Korçë. Në aksin Korçë-Pogradec qarkullohet me vështirësi.
Ndërsa në Shkodër, rrugët janë të kalueshme, me përjashtim të rrugës nga Ura e Bardhajve drejt fshatit Postribë, si dhe nga Pulti në drejtim të Mesit, për të cilat po punohet me fadroma.
Në disa zona si Pulti dhe Shoshi, trashësia e borës arrin deri në 30 cm. Për këtë arsye nuk zhvillohet mësim në shkollat e fshatrave Rragam, Sheldi dhe fshatrat e Njësisë Administrative Shosh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
