Irani thuhet se i bëri presion komunitetit të vogël të mbetur hebre në vend që të mos festonin Pashkën në fundjavë dhe në vend të kësaj t’i bashkoheshin tubimit vjetor anti-izraelit të ditës së al-Kuds, duke bërë thirrje për shkatërrimin e Izraelit.
Kjo u zbulua nga Jerusalem Post duke cituar Beni Sabti, një ekspert i Iranit në Institutin e Jerusalemit për Strategjinë dhe Sigurinë, i cili konfirmon “presionin e heshtur” për të shtyrë komunitetin hebre iranian që të marrë pjesë në marshimin e al-Quds për të “mbijetuar”. Themeluesi i Republikës Islamike të Iranit, Ayatollah Khomeini, krijoi Ditën e Kudsit në vitin 1979 si një tubim mbarëbotëror për të protestuar ndaj ekzistencës së shtetit të Izraelit.
Komuniteti hebre i Iranit lëshoi një njoftim në Telegram të hënën për rreth 9000 anëtarët e tij:
"Ju lutemi, mos shkoni për piknik ose aktivitete rekreative në ditën e al-Kuds”, duke i nxitur ata të kujdesen për ndjeshmëritë myslimane.
Në një mesazh të dytë thuhet:
Sipas Biblës sonë të Shenjtë, çdo hebre duhet të kundërshtojë shtypjen ndaj qenieve njerëzore.
Ndërsa i afrohemi ditës së Kudsit, komuniteti hebre i Iranit do të marrë pjesë në demonstrata kundër regjimit sionist dhe do të deklaronte neverinë e tij për politikat sioniste kundër qenieve njerëzore.
Komuniteti hebre iranian është i ndarë nga sionistët. Ne jemi me iranianët dhe myslimanët”.
Rreth 7000 hebrenj mbeten në Teheran, një nga vendet e tyre të takimit është sinagoga Abrishami, në qendër të Teheran, por komuniteti i nënshtrohet kufizimeve të ashpra dhe mbikëqyret shumë.
Shumica e hebrenjve iranianë u larguan nga Republika Islamike e Iranit pas revolucionit të vitit 1979. Të paktën 80 mijë hebrenj iranianë jetonin në Iran gjatë kohës së Shahut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
