Franca këshillon të mos përdoret vaksina Moderna për moshat nën 30 vjeç

Autoriteti i shëndetit publik i Francës ka rekomanduar që personave nën 30 vjeç t'u jepet vaksina e Pfizer kur është e disponueshme në vend të vaksinës Spikevax të Moderna Inc, e cila mbarte rreziqe relativisht më të larta të problemeve të lidhura me zemrën.

Haute Autorite de Sante (HAS), e cila nuk ka fuqi ligjore për të ndaluar ose licencuar barnat, por vepron si këshilltar i sektorit shëndetësor francez, përmendi rreziqe "shumë të rralla" të lidhura me miokarditin, një sëmundje e zemrës, që ishte shfaqur në të dhënat e fundit mbi vaksinën Moderna dhe në një studim francez të publikuar të hënën.

Vendimi në Paris erdhi pasi rregullatorët në disa vende të tjera, duke përfshirë Kanadanë, Finlandën dhe Suedinë, kishin marrë gjithashtu një qëndrim më mbrojtës ndaj Spikevax lidhur me shqetësimet e sigurisë të zemrës që prekin të rinjtë.

Rregullatori i barnave i Bashkimit Evropian EMA muajin e kaluar miratoi vaksinën përforcuese të Moderna-s për të gjitha grupmoshat mbi 18 vjeç, të paktën gjashtë muaj pas dozës së dytë.

EMA në fillim të këtij viti tha se kishte gjetur një lidhje të mundshme midis gjendjes shumë të rrallë inflamatore të zemrës dhe vaksinave COVID-19 nga vaksinat e Pfizer dhe Moderna.

Megjithatë, sipas EMA-s, përfitimet e të dyja injektimeve të mRNA në parandalimin e COVID-19 vazhdojnë të tejkalojnë rreziqet, tha rregullatori, duke i bërë jehonë pikëpamjeve të ngjashme të shprehura nga rregullatorët amerikanë dhe Organizata Botërore e Shëndetësisë.

HAS i Francës tha se rekomandimi i tij, i cili do të zbatohej pavarësisht nga përdorimi i vaksinës si një dozë "përforcuese" e parë, e dytë ose e tretë, do të ishte e vlefshme derisa të njihen më shumë gjetje shkencore mbi këtë çështje.

Për personat mbi 30 vjeç, megjithatë, autoriteti rekomandoi në mënyrë eksplicite përdorimin e vaksinës Moderna, duke thënë se efektiviteti i saj ishte pak më i lartë.