Ushtria kineze e kthen mikun më të mirë të njeriut, qenin, në një makinë vrasëse. Gjatë stërvitjeve të fundit ushtarake me Kamboxhian, Pekini demonstroi një qen robot me një armë automatike të montuar në shpinë.
“Ai mund të shërbejë si një anëtar i ri në operacionet tona luftarake urbane, duke zëvendësuar personelin njerëzor gjatë zbulimit, identifikimit dhe goditjes së objektivit,” thotë një ushtar i identifikuar si Chen Wei në një video nga transmetuesi shtetëror CCTV.
Videoja dy minutëshe e bërë gjatë stërvitjes Kinë-Kamboxhia ‘Golden Dragon 2024’ tregon qenin robot i cili ecën, kërcen, shtrihet dhe lëviz mbrapa nën kontrollin e një operatori në distancë. Në një ushtrim, roboti qëllon me armën e tij në një njësi këmbësorie në një ndërtesë të simuluar.
Videoja e CCTV nga viti i kaluar tregoi qen elektronikë të armatosur me armë në një stërvitje të përbashkët që përfshin ushtritë kineze, kamboxhiane, laosiane, malajziane, tajlandeze dhe vietnameze të mbajtur në Kinë nëntorin e kaluar.
Vitin e kaluar, Pentagoni njoftoi se ushtria amerikane po shqyrton pajisjen e qenve robotë të telekomanduar me pushkë moderne, si pjesë e një plani për të “eksploruar atë që është e mundur” në të ardhmen e luftimeve.
Sipas Global Times të drejtuar nga shteti, prania e qenve robotikë në stërvitjet me ushtritë e huaja tregon një fazë të avancuar zhvillimi.
“Zakonisht, pajisjet e reja nuk futen në një stërvitje të përbashkët me një vend tjetër, kështu që qentë robotë duhet të kenë arritur një nivel të caktuar pjekurie teknike,” citoi Global Times të thoshte një ekspert anonim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
