Zyrtarë nga Zyra Evropiane Kundër Mashtrimit (OLAF) u ndoqën dhe u përgjuan nga shërbimet sekrete të Hungarisë gjatë vizitave të tyre në vend.
Kështu del nga një investigim i përbashkët i portalit hungarez të gazetarisë investigative “Direkt 36” dhe gazetës belge “De Tijd”.
Sipas asaj që u zbulua nga investigimet gazetareske, shërbimet sekrete hungareze spiunuan përfaqësuesit e OLAF lidhur me një hetim nga zyra kundër mashtrimit ndaj një kompanie që i përkiste dhëndrit të kryeministrit Viktor Orban.
“Direkt36” dhe “De Tijd” raportuan se midis 2015 dhe 2017 disa përfaqësues të Olaf u ndoqën në udhëtime me makinë dhe telefonat e tyre ishin spiunuar.
Jo vetëm kaq, por ishte praktikë standarde që agjentët e Zyrës së Informacionit të Hungarisë të kontrollonin dhomat e hoteleve të anëtarëve të delegacioneve evropiane që vizitonin vendin dhe të shkarkonin informacion nga pajisjet e tyre elektronike.
“Ne nuk merremi me lajme të rreme”, ishte komenti i Bertalan Havasi, kreut të zyrës së shtypit të kryeministrit hungarez, për portalin informativ “Politico” në lidhje me investigimin gazetaresk.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
