Kryeministri i Malit të Zi, Dritan Abazoviç, është shprehur i gatshëm që vendi i tij të mikpresë bisedimet e ardhshme mes Kosovës dhe Serbisë. Ai ka thënë se kjo ofertë vjen për shkak të raporteve të mira me liderët e të dyja vendeve.
“Personalisht, do të doja të zgjeroja ofertën time, nëse ka ndonjë raund të ri bisedimesh mes Kosovës dhe Serbisë, për t'i pritur në Mal të Zi”, ka thënë ai në një intervistë për “The Pavloviç Today”.
“Ne nuk jemi pjesë e dialogut, por personalisht besoj se propozimi evropian paraqet një zgjidhje të mirë që është fitimprurëse edhe për Serbinë edhe për Kosovën. Kjo është rruga që rajoni duhet të ndjekë. Rruga e normalizimit është ajo e duhura për rajonin si hap i parë dhe në fund, pasi të plotësohen të gjitha kriteret, anëtarësimi në Bashkimin Evropian si synimi final për të gjithë rajonin”, ka theksuar ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
