Një tjetër incident është shënuar para konferencës së përbashkët për shtyp mes kryeministrit të Maqedonisë së Veriut, Hristijan Mickoski dhe atij të Kosovës Albin Kurtit.
Një video e cila është bërë virale, tregon se organizatorët maqedonas kishin ngatërruar flamurin e Kosovës me atë të Bashkimit Evropian, në sallën ku do të mbahej konferenca për shtyp mes dy liderëve, në Shkup.
Shumë qytetarë e kanë komentuar si provokim nga pala maqedonase, veprim i cili pason incidentin e presidentes Vjosa Osmani në Aeroportin e Shkupit.
Në delegacionin e Kosovës për këtë vizitë në Shkup ishte edhe ministrja e Jashtme, Donika Gërvalla, e cila i dërgoi notë proteste Shkupit, por edhe ministrja e Drejtësisë, Albulena Haxhiu, dhe ai i Planifikimit Hapësinor, Liburn Aliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
