Nisma e pak ditëve më parë e presidentit kosovar, Hashim Thaçi, për krijimin e ushtrisë së Kosovës është bërë tema e fundit e replikave në distancë mes liderëve të Kosovës dhe atyre të Serbisë. Agjencia e lajmeve “Russia Today” shkruan sot për reagimin e NATO-s në lidhje me këtë fakt.
“NATO dhe SHBA-të kanë paralajmëruar Kosovën në lidhje me planet e saj për ta transformuar forcën e sigurisë në një ushtri të mirëfilltë. Aleanca e Atlantikut Verior dhe Uashingtoni kanë premtuar se do të kufizojnë bashkëpunimin me Kosovën nëse ushtria formohet pa ndryshime kushtetuese. Shefi i NATO-s, Jen Stoltenberg, ka thënë dje se ka folur me liderët e Kosovës rreth “shqetësimeve lidhur me propozimet e autoriteteve kosovare për ta transformuar Forcën e Sigurisë së Kosovës në ushtri të armatosur pa ndryshime kushtetuese”.
Ndërkohë, në faqen e agjencisë në “Facebook”, ku është publikuar lajmi, është hapur një debat i madh mes përdoruesve serbë dhe atyre shqiptarë.
“Gjepura. Shqiptarët e Kosovës bëjnë ç’u thonë SHBA-të. Bajden ishte njëherë ate dhe ata u sollën si qen të bindur. Kjo nuk është gjë tjetër veçse një lojë e Amerikës. Ajo ka kontrollin e Kosovës 100%”, shkruan një përdorues serb i rrjeteve sociale.
“Meqë po flasim për qentë e bindur, serbët janë qentë e preferuar të Rusisë në Balkan”, është përgjigja e një shqiptari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
