Situata e vështirë e krijuar me mbetjet në Shijak ka ardhur si pasojë e burokracive. Në studion e lajmeve të MCN TV, kryebashkiaku i Shijakut, Elton Arbana, tha se kjo situatë është e përkohshme, deri në lidhjen e një marrëveshjeje të re me landfillin e Sharrës. Sipas tij, marrëveshja e fundit me këtë landfill ka përfunduar më dt.18 gusht dhe bashkia ka nisur punën për lidhjen e një marrëveshjeje të re.
“Deri më dt 18 ne kemi pasur një marrëveshje me landifllin e Sharrës, ku çonim falas të gjitha mbetjet që gjeneronte Bashkia e Shijakut. Gjatë kohës që nënshkruam një marrëveshje, prej 10 ditësh, jemi marrë me etapat e tjera ligjore, për të lidhur një akt-marrëveshje. Jemi në kushtet e emergjencës, por duhet të kalojnë disa etapa si një vendim i Këshillit Bashkiak, miratim nga prefektura për të dalë në lidhjen e një marrëveshjeje në kushtet e emergjencës. Ne kemi pasur edhe marrëveshje të tjera me landfillin e Sharrës. Çdo marrëveshje ka fundin e vet.
Arbana theksoi se Bashkinë e Shijakut nuk ka landfill të ligjshëm as të paligjshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
