I nxehtë rekord në Spanjë, humbin jetën dy persona

Të paktën dy persona kanë humbur jetën në Spanjë për shkak të valës së të nxehtit që ka përfshirë vendin. Një lajm i tillë u raportua të mërkurën nga gazeta El Diario. Në komunitetin autonom të Andaluzisë, një fermer 47-vjeçar humbi jetën nga goditja e nxehtësisë teksa punonte në fushë. Në rajonin e Castile-La Mancha, një 46-vjeçar vdiq për të njëjtën arsye. Ndërkohë, autoritetet e Komunitetit Autonom të Extremadura raportuan shtrimin në spital të dy personave për shkak të nxehtësisë ekstreme. Këtë javë, Agjencia Shtetërore Meteorologjike e Spanjës lëshoi një paralajmërim për mot të pafavorshëm në shumë provinca të mbretërisë Iberike për shkak të temperaturave që tejkalojnë 40 gradë. Në vitin 2021, Agjencia Shtetërore Meteorologjike regjistroi një rekord temperature në Spanjë. Në mesin e gushtit, në fshatin Montoro (komuniteti autonom i Andaluzisë), termometri arriti në 47.2 gradë