Gazetari Blendi Fevziu i ftuar në studion e ‘Të Paekspozuarit’ në MCN TV ka komentuar lidhur me zgjedhjet e pjesshme vendore ku e ka cilësuar si ditën më të zezë të PD pas rezultatit.
Ai tha se rezultati i Bashën në këto zgjedhje me 13% të votave është dramatike, aq më tepër kur ai synon të jetë zëri i parë.
Sipas Fevziut nuk ka ndodhur kurrë që një parti qeverisëse që ka drejtuar vendin të dalë në vendin e tretë me atë rezultat
Dita më e zezë e PD. Rezultati i këtyre zgjedhjeve është traumatik jo vetëm për PD por për vendin. Çdo njeri mendon se ky rezultat tregon se nuk ka asnjë mundësi për të rrëzuar Edi Ramën i cili ka një rritje 2-3%. Ka ruajtur votat e saj PS, ka një rritje të tmerrshme PS në Dibër dhe në të tjerat është me votat e saj, ndërkohë që opozita është shumë poshtë. Për herë të parë në 30 vite PD me një të shkuar tejet të lavdishme ka dalë e treta nuk ka ndodhur kurrë, dhe me diferencë të ndjeshme nga vendi i dytë.
Nuk ka ndodhur kurrë që një parti qeverisëse që ka drejtuar vendin të dalë në vendin e tretë me atë rezultat. Ka ndodhur një rrokadë ku LSI ka dalë forcë e dytë dhe PD e tretë kjo sepse PD ka një grup i cili nuk reflekton mbështetjen që kjo parti ka në bazë. Sot që ne flasim PS ka 55% të votave, Berisha 31%, Basha 13% të votave. Me këtë përqindje t’i synon të jesh zëri i parë, por kjo është dramatike. këto zgjedhje me deklaratën e fundit të Bashës sanksionon një rregull që ti humb zgjedhjet fiton dhe nuk jep përgjegjësi por rri aty ku je.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
