Basha: Jam kryetar i grupit parlamentar të PD-së, por detyrën do t’ia ngarkoj njërit prej nënkryetarëve

I pyetur nëse e njeh Gazment Bardhin si kryetar të grupit parlamentar të PD, Basha tha se ai do t’ia delegojë detyrën nënkryetarëve.

Prononcimi për mediat vjen dy ditë pasi ai mblodhi Kuvendin e PD, që shkarkoi Bardhin si kryetar të grupit parlamentar, duke ia ngarkuar detyrën Bashës.

“Me hyrjen në fuqi të statutit janë marrë vendimet përkatëse, Si kryetar i PD, i ngarkuar nga statuti si kreu i grupit parlamentar. Do ia delegoj këtë detyrë një nga nënkryetarëve. Thirrja ime për çdo deputet, në këtë kohë sfiduese, që është momenti të shohim përtej interesave personale”, tha Basha.