Ministri i Brendshëm, Fatmir Xhafaj, ka zhvilluar sot një takim me ambasadorin amerikan, Donald Lu.
Takimi është zhvilluar në zyrën e Xhafajt, ndërsa ende nuk ka detaje për arsyet e takimit.
Duhet theksuar se takimi vjen vetëm pak ditë më pas, kur ministri i Brendshëm urdhëroi që të nisë procesi i vetingut edhe në radhët e uniformave blu.
”Do t’i kemi të gjithë në monitorim. Nuk do të ketë justifikime, të paktën në radhët e policisë.
Nëse ka policë që bashkëpunojnë me krimin, ata duhet të ikin”, ka deklaruar Xhafaj. Po ashtu, Xhafaj bëri me dije se po mbahen kontakte me partnerët, të cilët do të asistojnë në procesin e vetingut në polici.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
