Këshilltari kryesor i Presidentit Ukrainas Volodymyr Zelensky, ka reaguar lidhur me vrasjen e vajzës së Alexander Duginit, duke u shprehur se në këtë ngjarje s’ka lidhje Ukraina.
"Ukraina nuk ka asnjë lidhje me vrasjen e vajzës së Duginit", është shprehur Mykhailo Podolyak, pas atentatit të ndodhur në Moskë, ku u vra Darya Dugina, e bija e filozofit dhe ideologut që konsiderohet si “truri” i Putinit.
"Ne nuk jemi një shtet kriminal, ndryshe nga Rusia, dhe definitivisht nuk jemi një shtet terrorist," tha Podolyak për televizionin kombëtar.
Vajza e filozofit, Darya Dugina, ishte një gazetare e njohur që mbështeti publikisht pushtimin e Ukrainës.
Në fillim të këtij viti ajo u sanksionua nga autoritetet e SHBA-ve dhe Britanisë së Madhe, që e akuzuan 30-vjeçaren se ka kontribuar në "dezinformimin" në internet në lidhje me pushtimin e Rusisë. Në një intervistë të muajit maj, ajo e konsideroi luftën si “përplasje qytetërimesh” dhe u shpreh krenare për faktin që së bashku me babanë e saj ishin sanksionuar nga Perëndimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
