Pavarësia e Kosovës, Trump: Momenti për të parë drejt një të ardhmeje edhe më të ndritur

<p>Presidenti amerikan i ka dërguar një letër urimi homologes Vjosa Osmani, me rastin e 17-vjetorit të pavarësisë së Kosovës. Trump në letrën e tij thekson mbështetjen e fuqishme të Shteteve të Bashkuara për Kosovën dhe angazhimin e saj për ndërtimin e një shoqërie demokratike për të gjithë qytetarët.</p> <p>"Lidhjet midis popujve tanë janë të forta dhe ne presim me padurim t’i zgjerojmë ato, veçanërisht përmes rritjes së mundësive për investime, me qëllim që të sjellim më shumë prosperitet për të dyja vendet tona. Shtetet e Bashkuara do të vazhdojnë të punojnë me Kosovën në forcimin e institucioneve demokratike dhe promovimin e rritjes ekonomike përmes një mjedisi të qëndrueshëm dhe të drejtë biznesi”, thuhet në mesazhin e tij.</p> <p>Presidenti Trump thekson se Dita e Pavarësisë së Kosovës është një moment për të reflektuar mbi arritjet e deritanishme dhe për të parë drejt një të ardhmeje edhe më të ndritur.&nbsp;</p> <p>&nbsp;</p>