Mbi 1.89 mln njerëz kanë ikur nga Ukraina në Poloni nga nisja e sulmeve ruse

Më shumë se 1.89 milionë njerëz janë larguar nga Ukraina në Poloni që nga fillimi i luftës, ka thënë agjencia e Gardës Kufitare polake.

Më shumë se gjysmë milioni mund të jenë larguar tashmë nga vendi, sipas profesorit Maciej Duszczyk të kërkimit të migracionit të Universitetit të Varshavës.

Dhe 94% e atyre që kalojnë kufirin kanë qenë shtetas ukrainas. Vetëm të martën, 66,600 njerëz kaluan kufirin, shkroi agjencia në Twitter, 7% më pak nga e hëna.

Deri në orën 06:00 GMT të së mërkurës, 13,600 njerëz kanë kaluar, nga 17,500 në të njëjtën periudhë të së martës.

Shumica e refugjatëve kanë shkuar në qytete të mëdha, duke përfshirë Varshavën, Krakovën dhe Wroclaw, të cilat po përjetojnë vështirësi në përballimin e shifrave.

Ndërsa më shumë se 3,000 makina që transportojnë të evakuuar nga qyteti i rrethuar i Ukrainës, Mariupol, kanë mbërritur në Zaporizhzhia. Midis të ardhurve që iu dhanë strehim në qytet ishin 772 fëmijë.

E marta pa një rritje të konsiderueshme në numrin e makinave që mund të dalin nga Mariupol, i cili është bombarduar nga forcat ruse që nga 1 marsi.

Këshilli i qytetit këshilloi banorët që kërkojnë të largohen për të udhëtuar në perëndim përgjatë bregdetit në Mangush dhe Berdyansk dhe më pas të vazhdojnë në veriperëndim për në Tokmak, Vasylivka dhe Zaporizhzhia.